For MY Valentine

A lo thlen hian e, mite ang bawkin i thar leh thin ka thinlaiah hian. He ni alo awm hi maw, mitamtak chuan a ho ti pawh an awm rual rualin hmang tangkai pawh an tam ngei ang. Chutiang bawkin maw ka tan chuan a hlu takzet asin, he ni hian thil tamtak min hriatthar tir thin vang a ni. Hemi ni dam thleng thei a ka awm leh i awm ringawt pawh hi a hlu takzet a ni. Ka tan chuan hman liam mai mai chi pawh a nilo ka han tihial teh ang.

He ni hian maw i mi hmangaihna ka rulh zawh rualloh tur chu min hriattir si a, ka hriatthiam hleih theihloh hmangaihna hrefiah turin minpui asin, hemi ni avang hian i mi hmangaihna ka hrefiah si a. Ka tana i hlutzia min hriatchhuah tir a ni. A va hlu em..ka tan.

Ka hmangaih ngailo che a ka hriat lai pawh a, hmangaihna tawplo leh ngaihdamna tawplo a min zui zel te hi e ka tan a ropui in a hlu lutuk a ka phulo a ni. Mahse i mi hmangaihna tawp ngailo avang chuan hmangaihna dik ka hriatphah si a, ka hriatphah mai bakah ka hmangaihna che tizual tu a ni asin. Ka hmangaih ka tan hian ilova han hlu tak em, i hlutna hi sum leh paia lei tur nita se chuan ka nei thei ngai dawn silo che a, chuvang tak chuan a ni ka tan hian i hlut lehzual ni. I hlutna hi he khawvel ah hian tehkhin tur ka zawng thin a, mahse ka hmulo. Ka hmuhzawh miauloh avang chuan i hluber a ni ka tan he khawvelah hian. Ka tan i neih zawng zawng i uilo mai piahlamah i nunna hial pawh i huam a ni tih ka hriat phei chuan e, lawm avang hian ka chhingmittui hi ka dang zolo a ni. I hmangaihna angzat hian hmangaih thiam che ila kava han ti tak em. Ka lawm takzet a ni min hmangaihna avang hian, mahse ka rulseng dawnloh che avang erawh chuan ngaihdamna ka dil nghal bawk a che.

Ngaihdam ngai a ka awmin engtiklai pawhin min ngaidam thei te hi amak ka tiin ka phu mawlhlo a ni. Ka thunlung a awm zawng zawng hi ziak chhuak thiam ila ka va ti tak em.. Amaherawh chu ka ziah chhuah thiamloh vang pawh nichuangloin ka theih tawp in lan tir ka tum ang. UI(Dog) pawhin apu hnenah a chetziain a hmangaihzia alantir angin ka thiam ang tawkin lantir ka tum ve mai zawk a nge. Phuloh hmangaihna chhanglet tur hian kei mimawl hian thiam kava lo neitlem em tih ka hriat hian ka insit rum rum asin. Mahse ka hmangaihna dai ngai tawhlo tur chu i hmangaihna dai ngailo tur vang chauh a ni asin. Ka hmangaih che.

Ka hmangaih ka duhlai, ka hlimna i duh ang bawk hian i hlimna pawh ka duhzia hi hriattir zel che ka tum a ni. Harsatna karah pawh i hmangaihna hian chakna minpe thin te hian ka tana i hlutzia ati zual zel si. Ka hmangaihna hrilhfiah zo tur hian ka tawngkam thiamna leh thu thiamna hian a tlinlo a ni e, he thu hi i chiarve hunah chuan e ka tumve nasatzia i hre thei ngei ang ka ring. Mahse min nuih lo hram ang che aw. Ka thiam ang tawk a ka ziah chhuah ve a nih hi. Kan pahnih in kan la chhiar dun leh dawn nia aw.

Awle a tawp ber ah chuan, sawifiah hleih theihloh hmangaihna kan inkar a awm hi sawifiah tumlo mai zawk teh ang tawnfiah a hriatthiam chi zawk a niin ka hria. Ka hmangaih ka Valentine itan ka awm reng ang, KA HMANGAIH CHE.